Grunnen FC Hier bin ik geboren, t gruine bloud lopt mie deur t haart en As we n moal verlaizen din is t weekend veur mie swaart en Dit is mien tröts, kin alle speulers alle noamen. En ik zing nooit allain nee vanzulf zingen wie aaltied soamen n Tegendoelpunt, oh komt dit wel goud Ik vertraauw der op, hol goie moud Vlak veur de rust toch nog n grode kaans Schaande genog gaait baal net veur laans Ze klappen der bovenop as twijde helft begunt Kinst zain wie goan vandoag veur minimoal n punt En as t doelpunt vaalt din broezen wie vot deur nog gain vief menuten loater stoan we veur Der is mor ain ploug en dat is Grunnen FC De gruine kathedroal doar heb ik mien stee Ik bin n echte boer en dus geef ik nait op 90 menuten laank zel ik alles geven Dit is mien leven, de Grunnen FC Van Nevland tot aan Robben en vanzulf Milko Djurovski, de bruiertjes Koeman, Fandi Ahmed heurt ter ook bie De k-nvb beker winnen wat was dat een mooie tied En tegen Atletico Madrid, was ik der vanzulf ook bie En noast Stenman en Andreas Granqvist wait elkenain hier wel of Fransen is belangriekste vanzulf vergeet dat nait Gain Grunnen FC zunder ons Z-Side. Oosterpaark, de Eurobörg mien twijde thoes As ik doar weer bin wil ik nooit meer noar hoes Ik wait ook dat zun hier nait aaltied schienen kin. As we van de Fraizen mor weer winnen. Mien haart ligt dus veur aaltied bie mien Grunnen FC De gruine kathedroal doar heb ik mien stee Ik bin n echte boer en dus geef ik nooit op 90 menuten laank zel ik alles geven Dit is mien leven, de Grunnen FC Der is mor ain ploug, en dat is Grunnen FC De gruine kathedroal doar heb ik mien stee Ik bin n echte boer en dus geef ik nooit op 90 menuten laank zel ik alles geven Hier bin ik geboren, hier wor ik begroaven. Of ik ook fan bin van n aander ploug most mie nait vroagen. Bie t gruin en wit, doar ligt mien haart dus veur aaltied en Ik zeet al dizze laifde gaait dus nooit meer veurbie nee.
