VanDeStraat

Popliedjes op z’n Gronings

gain kip veur mie

Klaaintje, zag die, Mien God
Noa eerste blik was ik vot kepot
Wos t nait meer, nait wat te doun
Vuilde mie n clown, mor t gebeurde toun

 

Doe zeest, ik vin die lekker
Dus zeg t mie mor hé, goan we noar dien stee
Sunt dij dag dink ik aan heur
Zo’n poedie dou ik t veur

 

Nam heur mit noar Poelestroat
Nog nait te loat, dus noar t Swaarde Schoap
Ze zee, bist n lekker ding
Mor t is nait mien ding
Zellen we noar de Burgerking

 

Toun zee ze, moak mie blied
Goa mit noar de KFC
Ik zee: sorry doar kin ik nait hin…

 

Ik vin die echt n laiverd, mor gain kip veur mie

Gain Sal-Mónella

 

Joa, ze keek mie aan
Ze zee, dou nait zo bie derhaand
tIs mit die voak gekkeghaid
mor zeg mie nou doar t op staait
tSpiet mie, bin aans nait zo grof
Mor hier knap ik echt op òf
Goa mit mie noar KFC
Aans bin ik nait laanger nog van die

 

Moi O, moi O, moi O, moi Oooo
t Leek zo goud
Moi O, moi O, moi O, moi Oooo
Mor dij kip was fout
Moi O, moi O, moi O, moi Oooo
Ze was zo laif
Moi O, moi O, moi O, moi Oooo
Mor deur dij kip was ik zaik

 

Ik vin die echt n laiverd, mor gain kip veur mie

Gain Sal-Mónella